الشيف:ماجى
(طبق حلو على زوقك)
بقلاوة عش البلبل
المقادير:
لفة جلاش
زبدة سايحة او سمنة
شربات تقيل بارد
نوتيلا
مكسرات
الشربات:
٢كوب مياه
٢ كوب سكر
كيس فانيليا
عصرة ليمون
الطريقة:
نجيب ورقة جلاش نفردها وندهنها زبدة بالفرشة كويس ونجيب عصاية بيتلف عليها الجلاش ونلفها عليها كويس وبعد ما نلفها نضغط عليها وهي علي العصاية ونكشكشها ونطلعها واحدة واحدة وانتي بتلفيها لجوة حاولي تخليها من النص مش فاضية علشان نعرف نحط النوتيلا واحنا بنطلعها نلفها شكل الوردة ونحطها في الصينية ونعمل كدة في كل الجلاش ونحطهم في الصينية وندهنهم زبدة كويس اوي والزبدة تكون سخنة حتي لو الزبدة زيادة ده بيخليها احلي وندخلها الفرن علي درجة حرارة ١٨٠ لحد ما تاخد لون دهبي حلو واول ما تتطلع من الفرن نحط عليها الشربات ومنكترش الشربات اوي لان هنحشيها نوتيلا لو مش هنحط نوتيلا حطي شربات زي ما انتي عايزة وبعد ما تبرد تماما نحط معلقة نوتيلا في نص كل واحدة ونرش عليها مكسرات وبالهنا والشفا
