محمد شاهين يهاجم
حمو بيكا غدر وقلة قيمة
هاجم المطرب محمد شاهين، مساء الإثنين، مطرب المهرجانات حمو بيكا، مشيرا إلى أنه غدر به بعد مشاركته بتسجيل أحد المهرجانات الشعبية، موضحا أنه طرح الأغنية الجديدة بعنوان «قلبي شايل وجع» عبر قناته «بيكا» الخاصة بموقع الفيديوهات «يوتيوب» بدون علمه وضم حقوق الملكية له فقط
وكتب «شاهين» عبر «فيسبوك»: «أنا مش بتاع لايف واتكلم بشكل رخيص على موضوع مهرجان مع حمو بيكا، بس اللي عمله اسمه غدر وقلة قيمة، من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف، كلمت حمو بيكا قولتله ازاي قالي انا هنزل في العيد 6 أغاني».
وأضاف: «باكلمه في حقوق الأغنية أقل حاجة في حقي، يرد يقولي ( أنا هاخد الحقوق كلها ) على أساس إن النجم المحترم هيعرفني بالناس، على أساس إن النجم المحترم أنا شغال عنده، رديت قولتله الكلام ده مش هينفع وقفلت معاه بعديها بعت لي مصمم البوستر وقالي إن الأغنية مش هتنزل، أتفاجئ النهارده بنزولها بدون علمي على أساس أيه؟ انا هعرف اجيب حقي كويس بالقانون».
