كتب: كريم حسن
كشف الإعلامي أحمد شوبير حارس مرمى الأهلي ومنتخب مصر السابق حقيقة زيارة إمام عاشور لاعب وسط الفريق الكروي الأول بالنادي الأهلي لكابتن الفريق محمد الشناوي في بيته على خلفية الأزمة الأخيرة بين اللاعبين.
وأكد أحمد شوبير في تصريحات إذاعية اليوم الأحد: «الدنيا زيطة بشكل غريب من ساعة موضوع إمام عاشور وكل واحد عمال يرمي بياضه ويقول مش عارف حصل أيه».
وأضاف شوبير: «يا جماعة الموضوع انتهى وإمام اعتذر وقال الشناوي أخويا الكبير والأمور خلصت على كده».
وأشار شوبير: «من الحاجات الغريبة اللي سمعتها اللي قالوا محمد رمضان وعمرو السولية خدوا إمام عاشور من أيده وراحوا لمحمد الشناوي بيته، ولما سألت في الأهلي قعدوا يضحكوا على الكلام ده».
وعلق شوبير مختتما: «هيروح للشناوي بيته ليه ما الشناوي موجود في النادي وإمام عاشور في النادي برضه الحقيقة الوحيدة إن إمام بيدرب فردي حاليًا».
