فيفي عبده: هاخلي الناس تمشي ترقص في الشارع هاعلمهم الرقص أون لاين ودقي يا مزيكا.
كتبت: هاندا وليد
قالت الفنانة فيفي عبده عن خوفها الشديد من فيروس كورونا إذ سبق وأصيبت به، بجانب الحديث عن إمكانية تقديمها دروس رقص عبرالإنترنت.
وأوضحت فيفي عبده في بث مباشر عبر حسابها على انستجرام: أنا بخاف من كورونا جدًا لأنها جاتلي وكنت بموت ومش بتحرك من البيت؛ وقررت دلوقتي أنعزل عن الناس في الحياة وأفضل في الساحل الشمالي وهطلع أرقص كل يوم وهدرب الجمهور على الرقص أونلاين،هعلمكم كلكم.
واضافت فيفي عبده، للحديث عن غلاء الأسعار في مصر، قائلة: فيفي عبده: “أسعار مصر مش غالية، والناس بتقول الساحل الشمالي غالي. أومال برا مصر يعملوا إيه؟ المشكلة إن التجار بيقلدوا بعض بدون تفكير دا حتى السمك سعره ارتفع مع أنه خير ربنا الصياد بيجيبه من المايه ولا محتاج بنزين ولا فازلين”.
وتحدثت فيفي عبده عن كيفية اختيارها لأعمالها الفنية، قائلة: أنا حققت إنجازات كتير على المستوى المهني والشخصي وبالتالي بختار الأعمال اللي تضيف ليا وتكون مهمة، ومش بشارك في أي عمل وخلاص لأني قدمت مسلسلات وأفلام كتير وكمان مسرح وبرامج.. بخلاف الرقص ورقصت على جميع أغاني المطربين.
