عمر كمال يتصالح مع نقابة الموسيقيين وهاني شاكر يقدم له النصائح ممنوع الرقص على المسرح
كتبت: هاندا وليد
عمر كمال يتصالح مع نقابة الموسيقيين وهاني شاكر يقدم له النصائح ممنوع الرقص على المسرح
أكد الفنان ومغني المهرجانات عمر كمال انتهاء أزمته مع نقابة الموسيقيين بعدما تم اتهامه بالإساءة إلى مصر في حفله الغنائي بموسم الرياض، والذي عقد منذ ايام في المملكة العربية السعودية.وقال كمال في برنامج الحكاية الذي يقدمه الإعلامي عمرو أديب: لقد غيّرت الكلمة من زمان لـ لغيرك مش هعيش وأنا في السعودية كنت بهرج مع الشعب السعودي، وهو شعب بيحبنا جدًا والناس ضحكت».وتابع: أنا كنت رايح تركيا عندي حفلة قطعت السفر وجيت مصر عشان أروح نقابة الموسيقيين عشان يتم التحقيق معي لأن شكلي بقى وحش جدًا وأتقالي لي بطبل في السعودية عشان بقول تمور وحليب هو أنا هأخد فلوس زيادة لما هقولهم فين التطبيل واستكمل: كل المجلس نزلت تحقق معايا امبارح بقيادة النقيب هاني شاكر والناس سمعتني ووجهة نظري واثبتلهم أنه لا يوجد دليل، وتم نفي كل التهم وبكره بإذن الله هيصدر بيان في صالحي، وهاني شاكر استجاب لي وجاء ليسمعني وقالي يا عمر أنت بتمثل مصر وأنت حد كويس والنقابة بتشكرك أنك بتلتزم وسافرت معام الفرقة وأختتم كلماته: بشكرهم هما في يوم إجازة استجابوا للتحقيق ونزلوا ليسمعوا لي.. كله تمام وتحت السيطرة، وهاني شاكر قالي: مش عايزك ترقصوا على المسرح لأن أنت مش محتاج معاك فرقة، مش عايزك تكون صورة وحشة خارج مصر لأن أنت عندك جمهور عايزينك تكون صورة كويسة وأنا معاك مش ضدك وأنا بحبه جداً
