مستشار هاني زادة يهاجم مرتضى منصور: مصر دولة قانون وما حدث من رئيس الزمالك ليس من شيم المصريين.
كتب: كريم حسن
أعرب المستشار القانوني لـ عضو مجلس إدارة نادي الزمالك السابق هاني زادة، عن استيائه الشديد، من رد فعل المستشار مرتضى منصور بعد قرار حبسه.
وقال طارق جميل في تصريحات تلفزيونية: اللي حصل اتمنى يكون فيه تصالح، التصالح ده لان اللي حصل لو حضرتك مكان الأب والام والأخ اللي سمعوا شتميتها وهما في التلفزيون ومش عارفه ترد، فين حقها، “إن الله لا يحب كل مختال فخور”.
وواصل: أحنا رئيسنا مؤدب ودولتنا مؤدبة ومحترمه، المصريين معروفين بإحترامهم وتقديرهم، يعني اللي قال مش فاضيلكم، ده كلام مش مظبوط، الكلام ده لا بد من الوقوف أمامه، موقف القوة، لأن مصر دولة قانون، عمرنا ما شوفنا في حياتنا، كم التجاهل والخوض في الاعراض بهذا الشكل.
وأضاف: اللي قال إن هاني زادة تراجع عن اللايحة كذاب أشر، مرتضى اللي حط اللايحة الاسترشادية، وانقلب السحر على الساحر، وعلى هذا الاساس نطالب شرفاء الدولة إعمال صحيح القانون بعزل هذا الشخص، لأنه فقط الشروط الواجب توافرها بعضو مجلس الادارة.
