سمية الخشاب توجه نصيحة لطلاب الثانوية العامة: صحتكم بالدنيا ومش نهاية العالم.

كتبت: هاندا وليد 

حرصت الفنانة سمية الخشاب، على تهدئة وطمأنة طلاب مرحلة الثانوية العامة، والتخفيف من حالة التوتر التي يمرون بها، بسبب ضغط الامتحانات، موضحةً أن الثانوية العامة ليست نهاية العالم، كما أنه لا يوجد ما يسمى بكليات القمة.وكتبت سمية الخشاب في تغريدة عبر حسابها الشخصي على موقع التدوينات القصير تويتر، قائلة: حبايبي اللي في الثانوية عامة، محدش يجي على نفسه خالص صحتكم بالدنيا، ومش نهاية العالم، ومتخلوش أي حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمه.. اللي هيشتغل ويحب اللي بيعمله هيبقى في القمة.وتابعت سمية الخشاب: ‏اعملوا بس اللي عليكم، وبلاش مقارنات خالص.. كل إنسان له مجاله اللي هيقدر يبدع فيه.. بلاش كلنا نتارجت حاجة معندناش شغف ليها، وبالتالي نعيش تعبانين باقي حياتنا.

سمية الخشاب: يلا قوموا ارقصوا
ودائمًا ما تثير سمية الخشاب؛ الجدل عبر مواقع التواصل الاجتماعي، بسبب تصريحاتها ونصائحها للجمهور، وتحدثت سمية سابقًا عن حالة القلق التي يمر بها الطلاب الثانوية العامة، في لقاء لها مع برنامج et بالعربي، قائلةً: ارقصوا وطلعوا كل الطاقات السلبية في الجسم.. الرقص رياضة بتشيل الضغط، قوموا ارقصوا.