كتبت: هاندا وليد
أكد النجم أمير كرارة، أنه كان في حالة يأس كبيرة قبل بطولة مسلسل كلبش، قائلا: «منتج مسلسل كلبش قالي عايزين نعمل مسلسل اسمه كلبش، وأنا قلت له لا مش عايز اشتغل، أنا قافل وحاسس إني مفيش زيادة هعملها».
وأضاف كرارة، خلال حواره ببرنامج «حبر سري»، مع الإعلامية أسما إبراهيم، على قناة «القاهرة والناس»: «كان عندي حالة يأس رهيبة قبل مسلسل كلبش والمنتج وطلب مني اجرب فرصة تانية، عملت المسلسل من هنا وكرم ربنا نزل فجأة وتحس أن ربنا شاور عليا وكأنه بيقول لي مش هزعلك».
وتابع: «شوفت كرم ربنا من أول حلقاته، وبقى في العالم العربي كله، ومن ساعتها رجع لي الاصرار تاني وفوقت، وعرفت اختار بعدها واستحمل ضغط الشغل».
