بقلم: بروفيسور محمد
نظرة علي المجمتع الشرقي
(الحلقة الثانية) عن العادات القديمة
الموروثات_الشرقية_في_صالح_الرجل
من منكم بمناقشة موضوعية دون تعصب أو خروج عن النص يستطيع الإجابة بعض أسئلتي؟؟؟
يعني_ايه
لو الراجل لو خان مراته المجتمع ينظر له نظرة الطيش والنزوة …وتعدي وكأن شيئا لم يكن
والمرأة لو خانت جوزها تتهاجم من كل فئات المجتمع بأبشع التهم دون رحمة
#مع_ان_الجريمة_واحدة
#يعني_ايه
الراجل لو صاحب او اتكلم او مشي مع اكتر من ست يبقي راجل برم ومقطع السمكة وديلها
والست لو صاحبت او اتكلمت مع راجل تبقي ست منحلة و مش كويسة
مع_ان_الفعل_واحد
يعني_ايه
لو الرجل ظبط مراته بتخونه وقتلها يبقي دفاعا عن الشرف
والست لو ظبطت جوزها بيخونها وقتلته تتحاكم بتهمة القتل نتيجة التهور
مع_ان_عقاب_الزنا_واحد_عند_الله
يعني_ايه
الراجل ممكن يكلم زميلاته وصديقاته بالساعات علي الفون ويقولوا عادي ده مهما كان راجل
وهو نفسه لا يسمح بذلك مع زوجته او اخته او بنته ويقول عيب وما يصحش وماقبلش احنا في مصر مش في امريكا
مع_ان_المجتمع_واحد
يعني_ايه
الراجل لو ماتت زوجته من حقه يتزوج باخري لاحتياجه لامرأة
والست لو تزوجت بعد وفاة زوجها يقال عنها فين وفائها لذكرى زوجها وتتهم بخيانة ذكراه
#مع_ان_الحق_واحد
يعني_ايه
لو شاب فسخ خطوبته من بنت اكتر من مرة يقوله قسمة ونصيب
ولو البنت فسخت خطوبتها من شاب اكتر من مرة يقوله البنت دى اكيد فيها عيب
#مع_ان_الموقف_واحد
يعني_ايه
العادات والتقاليد والأعراف تطبق بشكل عنصري وتصب في مصلحة الرجل فقط
مع_ان_الهدف_واحد
انا لا أنحاز للمرأة ولا اهاجم الرجل أنا فقط احاول الوصول لأجابة مقنعة لفلسفة مجمتع شرقى
