كتبت: هاندا وليد
تقدمت الفنانة فريدة سيف النصر ببلاغ للضرر، وذلك لوجود أعداد كبيرة من السودانيين بالشارع في منطقة العجوزة، مما تسبب في إزعاجها.
واستغاثت الفنانة فريدة سيف النصر بالجهات الأمنية نتيجة الضرر الواقع على عاتقها، ونشرت عبر صفحتها الرسمية بموقع التواصل الاجتماعي “فيسبوك” قائلة: “هايحصل مشاكل كبيرة الناس ضجت والعيال بترد عالناس بقلة أدب. .بفلوسنا كلمه قالوهالهم أهاليهم ماينفعش”.
وأضافت فريدة سيف النصر: “في مثل بيقول.. يافرعون أيه فرعنك قال مالقيتش حد يلمني.. وكمان مثل.. سكتنا له دخل بحماره.. كده ماينفعش..
للسادة الضيوف اللي حاطينهم في عينينا ومقاسمينا كل حاجة حتي الهوا واحنا أصلا مش ناقصين.. وطبعًا العادي الناس تكلمني واتصرفي. باعتين لي صور ماينفعش أنزلها.. بيخلفوا ويرموهم في الشارع لنا لتلاتة الصبح لعب كوره وصريخ وعيالهم صريخهم لغات أصلا.. وأولاد المصريين عندهم مدارس ستة الصبح”.
وتابعت فريدة سيف النصر: “ده غير الكبار عالنواصي وبالعشرين واحد.. ده والله كلام دكاترة محترمين مثل د.راجي وحرمه.ود. حسام وحرمه للعلم زوجاتهم أطباء أيضًا رقي مابعده رقي.. حتى الدور بتاعهم بقي الزبالة بتترمى بره الباب من حضرات الضيوف الموقرين.. أدي القدر المهبب .. ويقولوا”.
واستطردت فريدة سيف النصر: “بفلوسنا ده ردهم عالناس.. المربع كله نايت كلوب بتوعهم داخل العمارات السكنية.. الحقيقة السوريين بتوع شغل ومحترمين هما وكل الجنسيات الأخري..لكن الجداد طفح الكيل.. رجاءً.. لموا شبابكم إحنا بناتنا وستاتنا طالعين شغلهم أو راجعين ماينفعش القعدات دي وعلي بيبان العمارات اللي اشتروا فيها أو اجروا. ماينفعش تبقي كده ابدا. ”
وأنهت فريدة سيف النصر حديثها: “وعيالكم شوفوا لهم نادي يلمهم مادام معاكم فلوس ..بجد كفايه وحرام كل حاجه باظت بعد ماشرفتونا حتي الشوارع قاعدين من أول مصر لٱخرها عالارصفه زهقنا بجد..وانا كالكبيره لهم بيبلغوني شكواهم ودمي بيتحرق علي مصر الحلوة اللي بتستغيث من اللي بيقولوا انهم هما الفراعنه طيب ازاي.. باتكلم ولسه هاتكلم اكتر احنا في أي بلد مابنتعاملش من اي حد بره زي مابنعاملهم احنا..كفايه بقي بجد كفايه”.
