دمعة وجع جوا القلوب
بتدارى جواها العيوب
دمعة نزلت من عني
حلم من جوايا سارق
والله صعبان علي
كل يوم واحد نفارق
دنيا ما تعرفشي غالى
دنيا أقسى من الليالى
كل حارة وكل حيط
دمعة نازلة فى كل بيت
وليالي بتسلم ليالي
اية يا زمن
مالك كدا فيك العجب
فيك اية وتايه عن قلوبنا
للدمع والأحزان سايبنا
وأيام علينا بتنكتب
دموع بتنزل فى الشوارع
مع إللى رايح واللى راجع
الكل فية جواة مواجع
زمن غريب عمال تغير
لا سايب كبير ولا يوم صغير
فى ناس تقول مكتوب لنا
وناس تقول من بختنا
وناس تقول حكمة
ويعلم ربنا
قاعدين نغالط نفسنا
خافين عيوبنا فى نفسنا
خايفين نقول من نفسنا
لانبان ضعاف وقليلين
ناكرين لنعمة ربنا
التوبة مش توبة وجوه
ودموع بتنزل والسلام
ساعة ألم
ويادوب يومين بنتوب
يرجعنا الزمن
نفس القلوب نفس العيوب نفس العمل
ولا أكننا متأثرين
ولا دمعة نزلت من العينين
ولا كان وجع
التوبة مش توبة كلام
وقصص نقولها والسلام
مش ده إللى عايزه ربنا
التوبة تبقى فى قلبنا
ونرضى بحكمة ربنا
ساعتها حانلاقى الحياة
ونوصل على شط النجاة
والرؤية راح توضح لنا
أمل النجاة سر الحياة
متروك لحكمة ربنا
