رد صادم من محامى كهربا على مرتضي منصور انت اللى بدأت إتحمل وابقي اتفرج على الفيديو اللى جاى خلال 48 ساعة

كتب: كريم حسن 

قام محامى اللاعب محمود أشرف عبد العزيز بالرد على مرتضي منصور حول تصريحاته الأخيرة التى لوح فيها بالإهانة إلى محامى كهربا وعن فشل بعض الصفقات لدى الأندية الأخرى حيث وجه المستشار مرتضي منصور أثناء المؤتمر حديثه نحو قضية محمود كهربا متهجماً على اشرف عبد العزيز وقام محامى كهربا بالرد على تصريحات مرتضي منصور موضحاً أن القضية التى يتحدث عنها مرتضي منصور هو نفسه لا يعلم عنها شيء ثم وجه لمرتضي منصور انا محامي أعرف أصول مهنتي ( أتعلمنا كده في أولي حقوق ) ان ده اسرار موكلين لا يجوز ابداً اني ارد عليك علي السوشيال ميديا بس انا كسبتها منك وانت اللي كلمتني عشان الصلح انت فاهم طبعاً وبعدين انا ذهبت لبيتك وليس مكتبك بناء علي رغبة رجل كبير في السن خائف ينزل عشان كورونا وموكلي خد حقه كاملاً

وتابع: « بخصوص عبدالله السعيد انت أستلمت فلوس النادي في اتحاد الكرة فلا يعتبر صفقة لان عبدالله لم يقيد في الزمالك ولا انت قيدته واحنا منعرفش هي ( صورة فقط ) وعلي فكرة انت قدمت شكوي وبلاغ ضده وصدر قرار من النيابة العامة بحفظ شكواكم ».انت بنفسك بتقول انك اعارته بثلاثة ملايين دولار وخمسمائة ألف دولار في عام واحد والحكم باثنان مليون دولار واربعمائة الف يعني أقل من عام أعارة ولا تنسي انت كنت طالب من المحكمة الرياضية مبلغ تسعة ملايين يورو وبعدين انت محضرتش القضية انت كنت منسق مع المحامي الايطالي زي بالضبط منسق مع المحامي التونسي ولا الكلام ده غلط اه أسف ( انت كنت بتاخذ معلوماتك من اعلامي زي م انت قلت ) فبلاش دغدغة مشاعر جماهيرالكرة .. حرام ».وأتم أشرف عبدالعزيز كلامه:« وإن عدتم عدنا بمحاضر الجلسات طبعاً انت فاهم معهليش – اه بالمناسبة انا محامي لا يسعي للشهرة لاني مش محتاج الكلام ده خالص وانت عارف كده كويس بلاش – أنا – اه أخر حاجه – كيد النساء اللي انت بتقوله – ده انا معرفوش انا بنفذ كلامي وانتظرني في فيديو في خلال ٤٨ ساعه بس افضي لك عشان مشغول جداً بمهنتي المحاماه وأكشف لمصر كلها الحقيقة كاملة ومش هخليها ابداً أهلي وزمالك ؟ لا هخليها رجل لرجل او محامي أمام محامي مع تحياتي ».