ميمي جمال: محرمتش ولادي من حاجة عشان يفتكروني دايما بالخير كل حاجة كتبتها بإسمهم

كتبت: هاندا وليد 

فتحت الفنانة ميمي جمال كتاب أسرارها خلال لقائها مع الدكتور عمرو الليثي خلال لقائها فى الجزء الثاني من لقائها فى برنامج واحد من الناس المذاع عبر شاشة الحياة وصرحت الفنانة ميمى جمال انها عملت فى مسرحية مدرسة المشاغبين بدلًا من سهير البابلى لانه اصيبت بمرض فى عينها، والمنتج سمير خفاجى أصر على انى اعمل الدور بدل ما نوقف العرض لحد ما ترجع ، وتابعت قائلة عملت 3 بروفات مع الملقن، واشتغلت مكانها 15 يوم، وسمير خفاجى كان بيصفق لى وقالى شطارة والله يا ميمى. وكان مبسوط منى جدآ وانا كنت حبه العمل لكن فى النهاية سهير البابلي كانت رائعة وانا حبيتها فى الدور جدآ

و أضافت مثلت مع سمير غانم فى المسرح كتير، واشتغلت معاه انا وحسن فى مسرحية “دو رى مى فاصوليا ” ولازم اللى يشتغل معاه يكون صاحى ومركز، وهو كان بيقول عليا عمود الكردان بتاع المسرحية
و أوضحت :كتبت انا وحسن مصطفى كل ثروتهم فى حياتهم كلها لبناتهم، ووهبناها ليهم علشان يرتاحوا ويفرحوا” ويفتكروني دائما بالخير وانا بالنسبة لأزواج بناتي أم وصديقة مش حما

بالعكس مشاكل كتيرة بقف فى صفهم ضد بناتي بيزعلو أكيد لكن برجع وأصالحهم ما هي ديت سنة الحياة

و عن ازواج بناتها قالت ميمى جمال :”عندى مبدأ انا لو نكدت على جوز بنتى هينكد على بنتى، ولا اتدخل فى حياتهم وانا مصاحباهم ولو هو متضايق من بنتى بيجى يحكيلى، اقوله ما ليكش دعوه انا هكلمها