تامر أمين من طلب العلا سهر الليالي والطالب الفاشل يعيدها تاني: ضوابط التعليم تنصف المجتهد

كتبت: هاندا وليد 

قال الإعلامي تامر أمين، ان الإجراءات والضوابط التي وضعتها وزارة التربية والتعليم من أجل التصدي للغش بامتحانات الثانوية العامة 2023.
تعد خطوة جيدة لإنصاف الطالب المجتهد

وأوضح خلال تقديمه لبرنامج «آخر النهار»، المذاع عبر فضائية «النهار»، مساء الثلاثاء، إن هناك نوعين من الطلاب مع اقتراب امتحانات الثانوية العامة، مشيرًا إلى أن النوع الأول – الذي يمثل النسبة الأكبر – طلاب يذاكرون ويواصلون الليل بالنهار استعدادًا للامتحانات.

وتابع: «يوجد نسبة كبيرة من الطلاب مكبرة دماغها وبتقول إحنا بنعدي بالغش، أنا بحذرهم السنة دي وبقول لهم خلوا بالكم كويس أوي، اللي كان بيحصل السنين اللي فاتت مش هيحصل السنة دي، واللي كان بيساعدكم تغشوا ومتقفشوش السنوات اللي قبل كده أعتقد إنه مش هيحصل السنة دي».

وأشار بأن الوزارة أعلنت عن 10 إجراءات جيدة لمكافحة الغش هذا العام، معقبًا: «لما تسمعوها أنا رأيي تروجوا تسلموا نفسكم من دلوقتي، بدل ما نروح وتحاول تغش وتتمسك»، بحسب تعبيره.

ونصح الطالب الفاشل قائلا: «روح سلم نفسك اسمع مني سهلة مفهاش حاجة، سلم نفسك من دلوقتي وقول يا جماعة مش هعرف أغش، أو جيب كوباية شاي ودعوات ماما الحلوة وذاكر إن شاء الله ربنا يكرمك، الحلال مفيش أحسن منه لأنك مش هتعرف تعمل الحرام»، وفقًا لوصفه.