يا صاحبى يللى كان نفسي
تكون اقربلى من نفسي
تكون نبضى تكون حاسي
تهدى اكون انا مهدي
تعدى ايديك تاخد يدى
فاكر لما كنا زمان
بنبنى لبعضنا الأحلام
تقول نبقى واقول نبقى
وعمرك يوم ما قلت ابقى
بقيت انسان غير الإنسان
بقيت الشر ليك ملقى
ضاعت احاسيس ما بين احاسيس
وشئ غالى يضيع برخيص
خلاص ما رخصتى يانفس
يا صاحبى يلى كان نفسى
سنين وانا ببنى شئ غالى
وحلم رفعته فى العالى
امال ماتسعهاشي الدنيا
غرورك جه هدمهالى
فى ثانيه واقل من ثانيه.
عرفت ملامحك التانيه
ظهرت بشكلك التانى
بقيت انسان غير الانسان
غريب تحلالك احزانى
كسبت رخيص تبيع غالى
وما صعبشى عليك حالى
وداع ما رخيصتى يانفس
خلاص بقالنا ايه تانى
يا صاحبى يللى كان نفسى
