حبة مشاعر باقيه من الزمن الجميل
بترد فينا الروح وتبني المستحيل
وقت اما كنا صغار وكان جوانا قلب
بيحب كل الناس.. مايعرفشي البديل
لسه بنزرع ..وردة جوانا
يملاها الخاضار
كنا مجرد شمس جميله.. تستنى النهار
كنا مجرد قلب بيحب وخلاص
عمره مامل الشوق
ولا تعب من الإنتظار
كنا مجرد زهره يرويها الحنان
لسه بنرسم لوحه لأحلامنا البريئة
ماسكين قلم ألوان..وبنرسم ملامحنا
ونقول حانكبر .بكره.وحانعيش.الحياه
بألف.قصه وبمليون.طريقة
كبرنا قوام..وعرفنا فجأه.
يعني ايه معنى الوجع
تاهت ملامحنا البريئة
ضاعت فى اوهمنا الغريقه
هربت.مع اوجاع الحياه
وأدى قلبنا..اللى ما حسيش يوم
بدمعه الورده دبلت فيه
وبدلتها بألف..ااة
واحنا اللى كنا.نقول امتى يكبر.قلبنا
ونعرف.نحب…..وعمرنا يكبر معاه
ويخدنا شريان الحياه
اتارى وخدنا.السنين لحاجات.كتير
حبه وجع..حبه الم…حبه حنين
وإحنا اما كنا.صغيرين
كنا بنخطف فرحنا بدايه النهار
نجرى نجمل قلبنا…مليان خضارر
كبرنا قوام..واتغيرت احلام زمان
بقى قلبنا يحس الوجع
وازاي…يحب ينخدع
حاسين بروحنا…مش شكل روحنا
متغيرين
ورجعنا.نبنى لنفسنا..نقطه.رجوع
ونتمنا نرجع..تانى نبقى.صغيرين
