الرئيس السيسي : المواطن اللي بياخد 10 آلاف جنيه هو مش قادر برضه.. عشان كده لازم أملاله جيبه.
كتب: شادى سعد
قال الرئيس عبد الفتاح السيسي، إنه في إطار مُخاطبة الرأي العام؛ منذ أيام كان هناك موجة كبير على الصندوق الاستثماري، وده حلم، والناس لازم تعرف الحكاية اللي بدأت في 2019، أما سألت الفريق أسامة ربيع: عندك أموال إيه.. قالي معنديش حاجة.. قولتله أومال هتعمل إيه في التطوير؛ قالي هروح لوزارة المالية.
وتابع الرئيس السيسي: قولتله في بلادنا ظروفنا الاقتصادية متستحملش، لازم يكون في أوعية على جنب، وعملته في وزارة الصحة.
وأكد السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة: عملنا نفس الصندوق الاستثماري في وزارة الصحة عشان التأمين الصحي.. انتوا حاطين معايير واشتراطات للبرنامج.. الدولة هتعمل إنفاق على غير القادرين، والموازنة بتقول إننا هنقدر إن شاء الله بالنظام اللي عملناه، واللي كثير محققوش في بلاد ثانية.
وأشار السيسي، إلى أن الصندوق الاستمثاري فيه أموال، وسيتم تعزيزها ودعمها طبقا للمعايير والحسابات، لافتًا إلى أن المواطن اللي بياخد 3 و4 أو 10 آلاف جنيه هو مش قادر برضه، قائلًا: هتقولي بتقول كدا وأنت مسؤول؟.. آه مسؤول وعشان كده لازم أملاله جيبه.. جُهد كثير هنعمله.
