خالد الجندى: ربنا يبارك لنا فى الرئيس عرفنا على ايدة يعني إية مشروع خلص مش وضع حجر الأساس بس.

كتبت: نادين محمد 

أكد خالد الجندي عضو المجلس الأعلى للشؤون الإسلامية،أن الرئيس السيسي يجب على جميع الشعب المصري أن يفخر بوجودة رئيس لهذة البلد ويؤكد كل يوم للشعب المصري أنه يستحق أن نفخر به ويسعدني أن أكون أول المصريين سوف اقدم لة رسالة شكر ، بمناسبة افتتاحه مدينة المنصورة الجديدة.

وهنئ خالد الجندي، خلال حلقة اليوم من برنامجه “لعلهم يفقهون”: نفسه والشعب المصري قائلآ ألف مبروك علينا وعلى بلدنا رئيس سهران وتعبان وشقيان 24 ساعة عشان خاطرنا، شكرا ليك يا ريس.

وتابع إعجابه مشيدآ بإنجازات الرئيس: مبروك علينا رئيس مجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا ، إحنا محظوظين بيك يا ريس، إحنا مبنشوفش المشروعات إلا وهي بتتفتح، معندناش حاجة اسمها وضع سيادته حجر الأساس، ولا حط الأسمنت والطوب وبعدين خد بعضه ومشي و قال سلام عليكم و يا مولاوي كما خلقتني.

وأوضح: إحنا عندنا رئيس بتاع أفعال لا أقوال أفعاله هي التي تتحدث، معقبا:” اللي عمله الرئيس و شوفتوه النهاردة دا إجراء عادي في حياته، الرئيس السيسي من يوم ما تولى الأمانة اللي ربنا أسندها إليه، ودي نعمة من ربنا سبحانه وتعالى علينا، مشيدا بحديثه مع الشباب
خلال جولته التفقدية بكورنيش المدينة.

وأشاد بأسلوب حديثة مع الشباب بيتكلم حديث الأب لأبنائه مش الرئيس مع المواطنين وكلنا شوفناه بيكلم الشباب إزاي، هل شفتم في حياتكم حالة الحميمية والحب والتواصل مع ولادنا وشبابنا والبساطة، دا أول رئيس يكون يكسب قلوب الشباب، منذ تولي الرئيس السيسي، مشوفناش حاجة اسمها مدرسة عبدالفتاح السيسي، أو مصنع السيسي، أو مستشفى السيسي، أو كوبري السيسي، مفيش الكلام ده، دا أول رئيس يكون عنده إنكار للذات ويعمل في صمت.