أمل رزق إللى عند ربنا كتير إحنا إللى مش حمدينه اتعميت 6 شهور ودعيتة لو خفيت هحج وخفيت بفضله.

كتبت: هاندا وليد 

علقت الفنانة أمل رزق، على أزمة انفصال نجلتها عن الفنان محمد الشرنوبي، مشيرة إلى أنها دعت لـ ابنتها أمام الكعبة قبل انفصالها بأن يُبعد عنها السوء.

وقالت أمل رزق خلال لقائها مع ياسمين عز: دعيت في الكعبة وقلت لو محمد الشرنوبي فيه خير من بنتي يقربه ولو شر يبعده وربنا يسعدها ويوفقها علشان دي بنتي الكبيرة أول فرحتي وطيبة ونقية ودعيت من قلبي وقتها، وأنا في الطيارة قالت لي ماما هقول لك خبرين الخبر الأول جالها شغل بتحبه والخبر التاني قالت لي ماما أنا انفصلت عن الشرنوبي.

وواصلت: ربنا ابتلاني وكان عندي شوية صدمات وكنت بفكر كتير جدًا وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني.