حسن شاكوش؛ إحنا كنا مصنفين بتوع مخدرات وعواطلية ربنا كرمنا علشان بنحب البلد دى والجاي مفاجأة.
كتبت: هاندا وليد
حققت نقابة المهن الموسيقية مع مجموعة من مطربي شعبة الأداء الصوتي التي تم إطلاقها حديثا، ومن بينهم حسن شاكوش وكزبرة، وذلك بهدف التحقيق في وقائع فساد وتلقي رشاوى خلال فترة مجلس النقابة السابق.
وقال حسن شاكوش بعد خروجه من التحقيق: “إحنا حضرنا النهاردة التحقيق في النقابة، علشان نقول اللي كان بيحصل معانا في السنين اللي فاتت، والشغل اللي كان مفروض علينا بالعافية وبدون أجر”، وفق (في الفن). وأضاف” أنا إتكلمت عن الأشخاص اللي كانوا بيتفقوا مع إدارة أعمالي، وبياخدوا منهم فلوس بدون ما نظلم حد، وفي الفترة السابقة حاولنا نوصل لأي حد في النقابة عشان يحل لنا مشاكلنا، لكن مفيش أي استجابة.. كنا محطوطين في صورة ناس عواطلية وتجار مخدرات ربنا كرمها، مع إننا قدمنا لبلدنا أغاني العالم كله حبها”. وأوضح الفنان مصطفى كامل، نقيب المهن الموسيقية، أن التحقيقات تتناول اعترافات لمعظم أعضاء شعبة الأداء الصوتي عن تلقي رشاوى منهم.
