عمرو أديب: الجنية فى مواجه صعبة امام الدولار وبكرة هيبان قيمته الحقيقية إذا كان الجنية اقوي أو أضعف.

كتبت: هاندا وليد 

أكد الإعلامي عمرو أديب:”سعر الدولار بتاع النهاردة مش السعر النهائي صعودا أو هبوطا، ولكن هو متروك ومحدش ماسكه ولا بيوجهه يمين ولا شمال ولا يوجد مؤثرات عليه، واحنا قاعدين بنتفرج علي سعر الجنيه الحقيقي هيوصل لحد فين”.

وقال خلال برنامج “الحكاية” المذاع علي قناة “mbc مصر”:”السوق لم يستقر حتي الآن علي سعر معين للدولار، واحنا هنبقى ما بين زيادة أو تراجع للدولار حال قدمت أموال من قرض صندوق النقد الدولي”.

واضاف:”الدينار الكويتي بـ81 جنيها والدرهم الإماراتي بـ6.5 والريال السعودي بـ6.30، وهنا السؤال هل الراجل اللى مسافر يبيع دلوقتي ولا السعر ممكن يرفع تاني؟ والكل بيفكر علي الاستفادة، وحزب استنى بيبص علي وجود زيادة، وحزب الحكماء يقولك اصرف 50% واستنى شوية وانا كمان بعمل كده”.

وتابع:”إذا كان الجنيه أقوي أو أضعف من سعره الحالي هيبان بكرة قيمته الحقيقية أمام الدولار والعملات الأخرى”.

ولفت:”الجنيه في أقل من أسبوع فقد 20% من قيمته، وسنرى الأيام المقبلة ما الذي سيحدث في قيمته الحقيقية”.

وتابع:”هل انت متوقع أن يكون هناك ارتفاع أسعار في الفترة اللى جاية؟ المؤشرات العالمية يتوقعون نعم هناك زيادات، ولكن الحمد لله احنا عاملين احتياطي في أغلب السلع من 4 إلي 6 شهور وصارفين فلوس كتير علشان الإتاحة وحتي الآن لم يشكو أحد من الوفرة ولكن دائما الشكوي من زيادة الأسعار”.