كتبت: هاندا وليد
وجه والد حسام حبيب لشيرين عبد الوهاب رسالة تحمل فى باطنها رحمة ومعاني من النصح وعتاب ولوم شديد على نجلة وتحدث قائلآ
زرعت العداوة بين شيرين وأهلها وحطمتها بجهلك بشرع ربنا
وكان قد علق حسين حبيب والد الفنان حسام حبيب على تصريحات ابنه في برنامج “الحكاية”، فيما يخص كتابة شيرين لوصية تاركة كل أموالها وممتلكاتها لابنتيها.
وأكد حسين حبيب “قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل”.
وتابع: إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.
