لميس الحديدي لـ محمود الخطيب هل ممكن تتكرر مرة أخرى فكرة الإنسحاب من الدوري أمام الزمالك
كتب كريم حسن
رد الكابتن محمود الخطيب رئيس مجلس إدارة النادي الأهلي على سؤال الإعلامية لميس الحديدى خلال لقائه معها ضيفآ ببرنامجها الصورة المذاع عبر قناة النهار عن تكرار تجربة الإنسحاب من الدوري
وقالت الحديدي متسائلة
لو رجع بالكابتن الخطيب الزمن هل هتكرر الموقف وتمتنع عن خوض لقاء الزمالك في الدوري
أجاب الكابتن محمود الخطيب
القصة مجلس الادارة اللي اجتمع وناقش الموضوع والاغلبية خدوا القرار ده بس السؤال ليه؟ الأهلي حصل معاه موقف وخطاب تم اخفاءه حرم النادي الأهلي من بطولة قارية كبيرة والأهلي كان يبعت جوابات وبيانات واعتراضات وميتردش عليها فكان لازم ناخد موقف، في لايحة بتقول انك تطلب حكام اجانب قبل الماتش بخمستاشر يوم، السؤال هنا مين اللي خالف اللايحة دي واعلن الماتش في قرعة الفجر وساب مدة اربع او خمس ايام بس؟ الاتحاد مش الأهلي وفي النهاية الأهلي دفع التمن وخسر تلات نقط ورجعنا ومنافسنا فارق عننا اربع نقط وفاضل ست ماتشات ورغم كده قدرنا نفوز بيهم كلهم وخدنا الدوري
