كتبت: هاندا وليد
صرحت الإعلامية سما أحمد بشأن ترك حفل زفافها بالشيخ زايد والذى اثار جدلاً واسع على السوشيال ميديا بسبب تركها حفل الزفاف وصرحت خلال حوارها مع الاعلاميتين سهير جودة ومفيدةشيحة ببرنامج الستات الذى يذاع على فضائية النهار مساء اليوم الجمعة موضحة أنا والدتى كانت تعاني من جلطة دماغية وأمى هي نقطة ضعفي والست المصرية لما بيتعبوا بيحبوا يطمنوا على أولادهم فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة، وزملائي في العمل قالوا ليا دا موقف بطولي”.وتابعت الإعلامية سما أحمد: “لأخر لحظة كنت بضغط على نفسي عشان أكمل حاولت أقعد جمبه ولكن مكنش في لغة حوار ما بيني وبينه وبمجرد ما وصل المأذون وبدأ في عقد القران أخدت القرار في ساعتها، وأخدت فستاني ومشيت من الفرح والدنيا اتقلبت وقالوا هربت”.
وأكدت الإعلامية سما أحمد: “أمي فاكرة إني دلوقتي متزوجة وأقضي شهر العسل مع زوجي، متابعة: “إزاي يتقفل عليا باب واحد بعد ساعة مع راجل أنا معرفوش، والله ما أعرف تاريخ ميلاده أو ما بينا معرفة سابقة”.
