شكراً للأيام الصعبة
إللى تملى بتثبت لينا
مين ويانا ومين إللى علينا
شكراً للضيقة وللخنقة
إللى تبين مين بيحبنا من جواه
ومين إللى بقلبه بيلعب بينا
إللى خدعنى بقوله براحتك
روح على كيفك شوف مصلحتك
ومتنساش إنى إتحملتك
وانت فى عز الآمك جيت
مديت ايدى لإيدك شلتك
وجرحتنى ولا عمرى جرحتك
لو كان بعدك فيه مصلحتك
أنا بدعيلك من جوايا
لو كان بعدك ليا نهاية
متمناش دى تبقى نهايتك
أنت عشان متعود تاخد
لكن مش متعود تدى
لما بقيت من جواك جاحد
جيت على قلبى ورميت ودى
بكرة تشوف الغدر فى بعودى
لما تجرب مع ناس بعدى
وإن أنا كنت النعمة فى ايدك
ضاعت فجأة خلاص من ايدك
تجي بندمك ايه حايفيدك
ليه الناس بتخاف من الضيقة
مع إنها فى الأصل حقيقة
بتقوينا………..وبتقسينا
وبتفرقنا………..وبتنسينا
وبتكشفنا………..وبتعرينا
وتخلينا فى كل دقيقة
واضحين قوى قدام بعضينا
ومين إللى معانا ومين اللي علينا
وتبين أحلامنا بريئة
شكراً من قلبنا للضيقة
