بجرة قلم بتجرح قلوب
بتظهر عيوب بتهدم شعوب بجرت قلم
بتبنى حياة وتهدم حياة
وبتذيد فى وهمك وتكبر معاة
وفاكر حاتحيى الحياة..م..العدم
ولقبت نفسك امير الانتقاد
وصنفت روحك وصى على العباد
متعرفش أصلا حقوق الانتقاد
سواء كنت شاعر عالم فيلسوف
حقيقة انتقادك بتجرح ألوف
ومين الى قالك وبالوهم دلك
ان انت افضل وخلاك تشوف
وعيوب جوه غيرك تغير مصيرك
محستش بيها لو انك عفوف
وفاكر حاتصنع بإيدك وجود
ماتظلمش غيرك بجرت قلم
وفاكر حاتحيى الحياة م..العدم
تعالى اقولك ايه الانتقاد
ما تنكرشى انك اقل العباد
ودايما تكون واضح…او صريح
وما تسبش غيرك ب.قلمك جريح
ورتب كلامك لحسن التقبل
عا شان اللى انت.انتقدة يقبل
ودايما كلامك تخلية صحيح
ولو فية نصيحة..ما تبقاش.فضيحة
فى وسط الملئ وتصنع لخصمك
كتر الكلام..ومااحناش ملايكة
احنا عباد..وصلك يا صاحبى
ازاى الانتقاد…دا علم عظيم
اسمة فن الانتقاد
