فِكرك لما تعذب نفسك
وتستسلم لليأس بروحك
كده يبقى انت نفدت بنفسك
صعبتها جداً على روحك
أصحى قوام.من ضعفك قوم
مين فينا قلبه خالى.هموم
قوم دوس على ضعفك قاويه
طيب على جرحك واشفيه
ارسم بكره بفكره جميله
صوره بتحرر من الماضى
باأحلام خاليه من التكشيره
حسس روحك عنك راضى
اتخيل بكره فى بستان
او طفله جميله بفستان بفيونكه
بكل الألوان
او ريشه فى ايدين فنان
بيرسم بكره بضحكه جميله
تلاقى قوام ال..هم اتزال
وفكرك يتخلص من الحيره
ارسم بكره احلام و رديه
تلاقى حياتك حاجه عاديه
اعزف اكتب ارسم احلم
اتمنا بكل الالوان
اكتب بكره احلى قصيده
وغنيها بكل الألحان
فوق ماتصعبهاش على روحك
اصحى افتكر انك انسان
عنده آماله.عنده حياته
عنده عقيده..وعنده كيان
حول بكره لفكره جميله
حول افكارك بركان.مليان حب وخير
وسعاده..مبهج على كل الاشكال
اوعاك تنس انك انسان
واحنا بشر من حقنا نحلم
ونحقق كل الأحلام
بكره حايجى عليك وعلى
طاير فارد ليك جناحاته راسم ليك
احلام ورديه
قوم اتفائل كون متفائل
خليك بطبيعة الانسان
شمس الغد احضنها بروحك
فوق ما تصعبهاش على روحك
