أمير كرارة: أنا مش بتاع تراندات عمرى في حياتى مابصيت لده ومش عارف بيبقى إزاي.
كتبت: هاندا وليد
قال الفنان أمير كرارة، إن جملة «كتع كسح كسل» كانت من إيجابيات مسلسل «نسل الأغراب»، معقبًا: «قلبت الدنيا، واتعمل عليها أغاني، وعملت شغل جامد جدا».
وأضاف، في لقاء ببرنامج «حبر سري»، الذي تقدمه أسما إبراهيم عبر فضائية «القاهرة والناس»، مساء اليوم السبت، أنه لا يعرف معنى كلمة «ترند»، قائلا: «أنا مش بتاع ترندات، عمري في حياتي ما بصيت لده، مش عارف بيبقى عامل إزاي».
وتابع: «مش فاهم الترند ده بيتعمل إزاي، ومش عارف بيعرفوها إزاي إن انت ترند النهاردة»، على حد قوله.
وحول «ترند» شبيه أمير كرارة، عقب: «شوفته.. فينا شبه من بعض على رأي سليمان عيد»، متوجهًا إليه برسالة: «مش هتستفيد ولا حاجة إنك شبه أمير.. مفيش حاجة اسمها عشان أنا شبه ده فأنا هبقى زيه، ابقى انت.. مش لازم تبقى شبه أمير عشان تشتغل، انت روح اشتغل على نفسك وخد ورش تمثيل لو بتحب التمثيل فعلا، لحد ما توصل وتبقى أحسن من أمير كرارة كمان مليون مرة».
