حلمت انبارح فى منامى
خير اللهم مااجعله خير
وانا دايما اامن بالأحلام
دا لأنى باسبح قبل مانام
رمضان بيهل علينا بنوره
وانا واقف وسط صلاه فى قيام وامام المسجد يلقى حديث
شوارعنا منورها الفوانيس
وده رايح فرحه اهله يشارك
وده جاى بيحضن اخوة ويبارك
ويقوله يعود عليك باالخير
ماهو رمضان طبعه ساخى وكريم
وقدومه بيجى علينا بخير
معروف عنه شهر النفحات
شهر التوبه شهر الغفران
ولله بعوده علينا يا رمضان
ونسجد ونصلى فى بيت الله
ونقيم ترويحنا ان شاء اللة
ربنا عمره ما. رد اللى دعاه
يا رب اقبل منا التوبه
بحق حبيبك رسول الله
اخلصو بس وسبحو لله
واللى بيدعى يخلص فى دعاه
وبنطمع بس فى عطف الله
ربنا حاينزل رحماته
لو الساجد يخلص فى صلاته
والمسلم ينفق صدقاته
ربنا حا ينزل رحماته
هتكذب او حتى تصدق
اهو حلم وبحلم يتحقق
ويجيكم رمضان على خير
وكل عام وانتم بخير
