الرئيس السيسي: لو عايزين حياة أفضل علينا ترشيد الاستهلاك لكن السلع متوفرة فى الأسواق.

كتب: محمود البحيري 

أكد الرئيس السيسي ،خلال كلمتة بيوم المرأة المصرية أن دور الدولة توفير السلع للمواطن في الأسواق وبرغم الأزمة العالمية لن أسمح أن يحس المواطن بأى نقص من السلع الغذائية وهذا واضح للجميع من خلال تواجدكم في الأسواق كل يوم السلع بوفرة في الأسواق المصرية قائلا : “انزلوا خدوا اللي انتوا عايزينه .. لسه الجيش منزل 2 مليون كرتونة ولسه فيه كمان إحنا عاملين حسابنا لكل حاجة “.وأضاف الرئيس السيسي خلال كلمته بيوم تكريم المرأة المصرية اليوم الاربعاء : “موفرين كل حاجة بنص ثمنها ومفيش مشكلة من الناحية دي خالص”، معقبًا:” ولكن إذا كنتم عايزين مستقبل أفضل وحياة أحسن لأبنائنا وبناتنا لازم نراجع الكلام ده ويكون استخدامنا يدوبك”.

وأكمل الرئيس السيسي ضاحكًا: “حد بقا من بتوع التواصل الاجتماعي يطلع يكتب السيسي بيقولنا متكلوش لا خالص كلوا زي ماانتوا عايزين .. والله والله أنا صادق معاكم وأمين والله يعلم ما في نفسي “.

وتابع : “أنا والله بقولهم كده في البيت عندي”، معقبًا:” أنا مش رئيس والله وبسألهم في البيت عن الأسعار وهاتوا دي ومتجبوش دي”.