كلمات الشاعر الغنائى رامز وليد …….حبك خلاص…ّ……….. ..

حبك خلاص راح وانتهى
كان ذكريات ودعتها
ومشاعرى قدروا يغيروا
احلام غريقة عشقتها
كان ليك زمان احساس وخان
كان ليك مشاعر يقدروا يتغيروا
زمان كنت بشوف حبك
بين الأغصان رحيق وردة
زمان كنت بشوف قلبك
ملامح تانيه كان غير ده
بدأت تروح وتتغرب
مع الأيام تتوه وتبعد
واقولك محتجالك قرب
تزيد فى البعد وبتعند
تتوه وتغربك الأيام
حبك لسه مش ناسياه
وأقول بكره ح يرجعلى
ح يسمعنى……..وغيابه حجته وياه
ويجى يقول مش قادر على بعدك
مش قادر أعيش بعدك
أحاول انتقم منك
وغصب عنى اغفرلك واعذرلك
ولقى روحى تايه معاك
وفجأة ألقيك بعيد عنى
وباع حبى قصد منى
مش ممكن أقبل بالجراح
مش ممكن أندم على الراح
حبك خلاص راح وانتهى
كان ذكريات ودعتها
ما عدش القلب يسمح لك
تخون وتغيب وترجعله
بيبان الحب يفتحلك
بقيت بقدر أخون وأهجر
مفيش فى القلب شئ يعذر