اخبار الفن
أخر الأخبار
نجوى فؤاد تشكو من بعد الفنانين عن زيارتها مؤكدة ربنا يخلينا النقيب الوحيد إللى دايما جنبنا.
كتبت: هاندا وليد
نشرت الفنانة منة جلال مقطع فيديو جمعها بالفنانة نجوى فؤاد في منزلها، عبر حسابها بموقع التواصل الاجتماعي «إنستجرام وقالت نجوى فؤاد خلال الفيديو: «اللي بيسئل عليا في الوسط الفني منة جلال أولا، سعيدة جلال، ونبيلة عبيد لن أنسالها مواقفها معايا أبدًا.. لما حتى بيكون عندنا حاجة بكلم النقيب ولما سمير صبري تعب كلمته وقولتله إن سمير تعب ونقلوه المستشفى».
وتابعت: «مفيش حد في الوسط بيسأل على حد خالص ليه؟ حرام مش عشاني أنا عشانا كلنا واحنا اللي بنحب بعض وبنجري ورا بعض وبنتمنى السعادة لبعض وحبوا بعض هتلاقوا الخير».
وعلقت منة جلال على الفيديو قائلة: «جبر الخواطر جبر الخواطر يا ناس.. قيمة وقامة كبيرة.. الأستاذة نجوى فواد.. كانت صريحة قوي ووجعتلي قلبي لما بتقول محدش بيسأل عليا».
