شوبير: رمضان صبحي كان عصبى أمام الأهلى ولازم يحط قطن فى ودنه عشان يرجع يركز لأن مستواه قل.
كتب: كريم حسن
انتقد الاعلامي احمد شوبير ردود فعل رمضان صبحي نجم نادي بيراميدز عقب هتافات الجمهور ضدة خلال مباراة الاهلي مع فريق بيراميدز في الدوري الممتاز وقال شوبير رمضان صبحي بدا عصبيا وتعامل بشكل غير مقبول وهاجم الجماهير مشددا علي ان مستواه تراجع وصناعته للاهداف تراجعت وتابع شوبير في تصريحات اذاعية خلال برنامجة الإذاعى عبر أون سبورت إف إم قائلا : لقد ظهر رمضان صبحي عصبيًا أكثر من اللازم ولازم رمضان يحط قطن فى ودنه عشان يرجع يركز عشان مستواه أقل ومبقاش أساسى فى المنتخب، وأهدافه قلت وصناعته للأهداف قلت ولازم يركز ويستعيد مستواه لازم يفكر فى نفسه ويعرف يرجعها تانى ” .
وفي ذات السياق وقال شوبير : ان مباراة الاهلي وبيراميدز كانت مباراة حلوة أوى من الأهلى وبيراميدز بس طلبت من المراسلين فى الملعب يقولولى تصرفات الرباعى شريف إكرامى ورمضان صبحى وعبد الله السعيد وأحمد فتحى تجاه هتافات جماهير الأهلى”.
وتابع شوبير “على فكرة جمهور الأهلى لم يتلفظ بألفاظ خارجة ومحدش يقدر يمسك عليه غلطة هما هتفوا عن الطموح والفلوس وكلام عادى المراسلين قالولى إن شريف إكرامى أشار لجمهور الاهلى أنهم على رأسه عقب الهتاف فقررت جماهير الأهلى التوقف عن الهتاف بينما لم يتأثر عبد الله السعيد واللى بيقول إن مستواه تراجع بقولهم عبد الله السعيد لعب كويس باستثناء غلطة الهدف الأول وليه كرة فى العارضة بس هو مستواه مبقاش مثلا زى الموسم اللى فات واللى قبله والمستوى عالطول فى النازل وده طبيعى عشان السن”.
وأضاف شوبير: “أما أحمد فتحى فحرص على الذهاب إلى دكة الأهلى وصافح زملاءه السابقين وكذلك سيد عبد الحفيظ”.
