كتبت: هاندا وليد
ريهام حجاج زواجى من طليق ياسمين عبد العزيز شئ عادى وليس جريمة
كشفت الفنانة ريهام حجاج، تفاصيل هامة عن زواجها من محمد حلاوة. وذلك خلال حوارها ببرنامج «سهرة خاصة» المذاع على قناة النهار، تقديم الإعلامية بوسي شلبي.وعلقت فى بداية الحلقة على زواجها من محمد حلاوة، بعد انفصاله عن ياسمين عبدالعزيز، وقالت: «يادى النيلة»، مؤكدة على عدم وجود أي خلافات بين الأطراف وبعضها، سواء بينها وبين ياسمين عبدالعزيز، أو مع زوجها الحالي.تقول «حجاج»: «الحقيقة إن مافيش أي حرب. كل الأطراف اتجوزت ومحدش شايف الحرب دي غير جمهور السوشيال ميديا. محبتش أطلع أرد وقتها لأن هي مش حاجة غلط أو حاجة مخلة بالآداب».وعن تفاصيل الزواج، تقول «حجاج»: «أنا وهو اتجوزنا بعد سنة من طلاقه. والطلاق ده مكنش معلن، والطرف التاني طلع قال تفاصيل الزواج في برامج أخرى. كل واحد حر حتى لو الطرف التاني ما أعلنش طلاقه. ودي حياة شخصية مش معنى أن اتنين اتطلقوا يبقى حد فيهم وحش أو كان في مشكلة».ولفتت إلى أنها تحب زوجها وزوجها يحبها، وترغب فى أن يتركها الجميع فى حالها، قائلة «الناس مش المفروض تحكم أو تتكلم في حاجة شخصية زي دي. إحنا بنعاني من ده عشان إحنا مشاهير».
