كتبت: هاندا وليد
أكد الإعلامي إبراهيم عيسى أن هناك تغالط بين حديث المشايخ لأنهم يريدوننا تابعين لهم لا مفكرين فهم من قالوا فى السيرة وفى السلف أن عدالة عمر سبب فى نجاته من الموت عندما دخل عليه اللص فرآه نائماً فقال له عدلت فأمنت يا عمر وفى النهاية كان المتهم الأول فى قتله هو من سرد عليه القصة واكد عيسي خلال برنامجه حديث القاهرة على قناة القاهرة والناس أن القصص التى يقوم المشايخ بسردها على مستمعيهم تصل نسبة الكذب فيها لـ99%، «لأنه بيقول لك نُص الحقيقة، لما يقول لك عن عمر بن الخطاب، عدلت فأمنت فنمت يا عمر، وفرحان أوي بعدالة سيدنا عمر، حكالك إن عمر اتقتل بعدها؟، يبقي عدل فأمن فنام إزاي؟، عرفت إن الراجل اللي قال الكلمتين دول لـ عمر هو المتهم الأول بقتل عمر، إذن القصص كلها أنصاص مش حقيقية».
عيسى: هو مصدَّرلك الكتب والقصص اللي بتقول حصلت
وأوضح أن «واقعة الإسراء والمعراج لا يوجد فيها معراج»، وتابع: «طب إيه رأيك إن مفيش معراج، هتصدق إن مفيش؟، وكل قصة إنه طلع السما وشاف الناس اللي في السما وشاف الناس في النار كل دي قصة وهمية كاملة، دي كتب السيرة والتاريخ والحديث هي اللي بتقول، لكن هو مصدّرلك الكتب والقصص اللي بتقول حصلت».
وأكد أن ما يحدث من المشايخ هو ذكرهم للقصص المسرودة من قبل عن المعراج كقصة حقيقية، لكن هؤلاء المشايخ لا يقومون بسرد الروايات التي تنفي حقيقة المعراج، «أنا مش عايز أرجع الستينات ولا أعرف الستينات، أنا عايز أرجع هوية مصر الحقيقية وأشيل من على العقل
المصري الغبار والركام اللي اتحط على العقل المصري، لصالح مصر، مصر المتسامحة والمتسالمة مع نفسها، ومتحضرة، وعندها تعايش وقبول للآخر
