كتب جمال عوني
الرئيس السيسي: لابد من التنوع والإختلاف بين الدول وبعضها البعض وده الواقع
أكد الرئيس عبد الفتاح السيسي، خلال كلمته في جلسة «نموذج محاكاة الأمم المتحدة لمجلس حقوق الإنسان»، أن جهود الدولة في ملف عدم التمييز والتمييز على أساس دينى أو أي أساس أخر لم تكن بسبب أي ضغوط.
وتابع الرئيس السيسي: «الكلام ده مش عملناه من ضغط من حد.. احنا عملناه في ضوء معتقدات وأفكار.. التنوع والاختلاف سنة من السنن الكونية.. الاختلاف والتنوع بين الناس في اللغة واللون والثقافة وكل شيء.. مش هنقدر نخلى العالم كله واحد أو يتكلم لغة واحدة».
وأضاف: أتصور لو فكرنا عايزين نعمل ده.. أنه الكل له لون سياسى واحد.. أو فهم أو ممارسة واحدة.. اخشى أن يكون شكل من أشكال الاستعلاء بالقدرة والامكانيات.. والاستعلاء بالممارسة.. لابد من التنوع والاختلاف بين الدول وبعضها البعض.. ده الواقع.. ومش أنا اللى بقول كده.. للترويج لحاجة أو الدفاع عن حاجة.. ده واقع الدنيا كلها موجودة فيه».
