كتبت: هاندا وليد
أحمد موسى يكشف تفاصيل القبض على سكرتير عام محافظة القاهرة السابق
قال الإعلامي أحمد موسى إن الرقابة الإدارية ضبطت سكرتير عام محافظة القاهرة السابق لاتهامه بتربيح الغير 76 مليون جنيه، مؤكدا: محدش بيتساب النهاردة وكانت هناك علامات استفهام على عدم التجديد لسكرتير عام محافظة القاهرة، كله تحت السيطرة، موجهًا التحية لهيئة الرقابة الإدارية.
وتابع مقدم برنامج على مسؤوليتي: اللواء خالد عبد العال محافظ القاهرة رفع مذكرة لوزير التنمية المحلية اللواء محمود شعراوي بعدم التجديد لسكرتير عام المحافظة سابقًا وإقالته من منصبه، موضحًا: مفيش حد قوي في أي مكان إلا لو نضيف ومبياخدش حاجة من حد ومعندوش فساد، تتولى المنصب وتروح بيتك، جاي مكانك تخدم البلد مش تخدم نفسك، لو هتخدم نفسك هتقع.
وأردف الإعلامي أحمد موسى: كل واحد يخلي باله، لأن مستندات الرقابة الإدارية صوت وصورة وعشان كده بنحيي كل رجال الرقابة الإدارية واللواء حسن عبد الشافي.
