كتبت: هاندا وليد
حسن أبو الروس يعلق على تقليده محمد رمضان بالغناء الاستعراضي
تحدث الفنان حسن أبوالروس عن اتهامات وجهت إليه بتقليده الفنان محمد رمضان.
وقال «أبوالروس» خلال برنامج «The INSIDER»: «محمد رمضان أخويا الكبير وبحبه جدًا.. يمكن التشابه لأن نوع الفن اللي بيقدمه وهو الفن الشامل نفس اللي بحاول أقدمه».
وتابع: «وأنا نفسي أكون الفنان إلى بيعمل كل حاجه في الفن، زي الفنان أحمد زكي وفؤاد المهندس.. لكن محمد رمضان ما شاء الله شرخ ووصل للعالمية، وياسلام لو أبقى زيه، وهو من الناس اللي بحترمها وبقدرها».
واستكمل: «بحاول أقدم من خلال فني رسالة للجميع بأن أجعل الناس سعداء وهذه هي رسالتي، هي رسالة قوية لكن ممكن حد يحاول يقلل منها لكنها مهمة». وأضاف: «بحاول أعمل مزيكا ديسكو شعبي على أساس أن نوع المزيكا يكون شبيه بالروك وتكون مزيكا بتحرك الناس أكتر».
وحول التحقيق معه من قبل نقابة المهن الموسيقية الأيام الماضية: «النقابة بعتبرها بيتي وكانت ناس ظريفة معايا وواضح أن هناك قوانين لم أكن أعرفها.. ممكن أكون ظهرت بلبس مش ملائم لبعض الناس ولازم أحترم أن لو فيه حاجه بتأذي الناس معملهاش وبحاول أتعلم من الحاجات اللي مش عامله الناس وبغيرها».
