كتب: كريم حسن
وجه أحمد شوبير حارس مرمى الأهلي ومنتخب مصر السابق رسالة لجماهير النادي الأهلي التي تطالب بالانسحاب من بطولة الدوري المصري الممتاز على خلفية أحداث مباراة الأهلي وسيراميكا كليوباترا، وأيضًا تطالب برحيل المدرب الدنماركي ييس توروب.
وقال أحمد شوبير في تصريحات إذاعية اليوم الخميس: “تعالوا نروح لوجهة النظر الانفعالية التي تشط دائما وغريبة وأقصد هنا من يطالبوا على السوشيال ميديا بطلبين عاجلين الأول الانسحاب من بطولة الدوري والثاني رحيل ييس توروب”.وأوضح شوبير: “هو حضرتك عارف أيه اللي هيحصل ولا لأ، لو الأهلي استجاب لكلامك وانسحب من الدوري لو مش عارف راجع اللوائح كويس، ده السنة اللي فاتت دخلنا في دوامة بعد مباراة الزمالك عشان قصة الانحساب و3 نقطا ولا 6 نقاط، دلوقتي بتقول تتسحب من 5 مباريات ويتخصم لك مش عارف أيه، وقصص ومواويل كثيرة”.
وتابع شوبير: “وبعدين تقول لي ما هو مبدأ الانسحاب ده مبدأ مرفوض هتقول لي ما هو الاحتجاج ده مبيجيبش نتيجة اه فعلا بس أنت بتثبت موقف وفي أوروبا مبيجيبش نتيجة وفي بطولات العالم مبيجيبش نتيجة بس حضرتك كلمة الانسحاب دي مينفعش انها تتقال ولا تيجي في بالك أساسًا”.وأضاف شوبير: “بالنسبة للطب الثاني، بصوا يا جماعة اللي بيقولوا مشوا المدرب وندفع 6 مليون يورو أيه المشكلة يعني حضرتك عايز تدفع حوالي 350 مليون جينه مصري هتجيب منيين ما أنت يا حبيبي الأهلي بيدفع راتب سنة لكولر 9 شهور بالظبط من مرتبه، وغرامة ريبيرو متخطية المليون دولار ، اللي هو مرتب سنة لإنه كان بياخد 100 ألف دولار، فحضرتك هتجيب منيين”.
واختتم شوبير: “فياريت اللي قاعدين يكلموا الإدارة هى اللي بتدير ولو سمحتوا أنت مش دورك الضغط طول الوقت يعني”.
