كتب كريم حسن
قال الكابتن عماد النحاس المدير الفني السابق للنادي الأهلي خلال لقاء مع الإعلامي إبراهيم فايق من خلال شاشة ام بي سي مصر 2 فى برنامج الكرة مع فايق أن تواجدة فى الأهلي حالة فرضت نفسها بشغف الأهلي وليس من السهل الخروج من هذة الحالة
وتسائل فايق عن الحالة النفسية للنحاس عند علمة برحيله عن الأهلي
أجاب النحاس أكيد زعلت لما اتبلغت اني ماشي وهيجي مدير فني اجنبي.. لكن زعلت لاني ماشي من بيتي ولاني شايف ان عندي حاجة اكتر اقدمها، وفي نفس الوقت انا قابلت الراجل الاجنبي واتمنيت له التوفيق واتمنى يجيب اكبر عدد من البطولات وكلنا عارفين ان الاهلي دايما بيحتاج مدرب اجنبي ولو الراجل كان اختارني معاه في الجهاز كنت هوافق طبعا وكنت هكمل معاه.
إنى أكون مدرب الأهلي كان حلم بالنسبة لي كنت باحلم باللحظة دي من زمان، واسمي كان بيتم طرحه من سنة 2018 لتولي منصب المدرب المساعد، لكن إنّي أكون المدير الفني وأفوز ببطولة الدوري، دي حاجة كبيرة جدًا ، وحقيقي أنا أسعد إنسان في الدنيا، لأني حققت حلم كنت شايفه قدامي، يمكن ربنا بيعوضني عن الفترة الصعبة اللي عشتها في آخر سنتين مكنتش بدرب والحالة النفسية كانت سيئة ، لكن تكون مدرب الأهلى حتى لو لفترة مؤقته ده شرف كبير.
بعترف أنى مكنتش موفق في تصريح ان “زيزو يتحمل مسؤلية مشاركته رغم إصابته لأن كان لازم أوضح كلامي أكتر وقتها لان كلامي أتفهم غلط.
تريزيجية كان رقم 1 فى ترتيب مسددي ركلات الجزاء في ماتش الزمالك بعده بن رمضان ومروان عطية
علي معلول أفضل محترف في تاريخ الأهلي، ومن أبرز اللاعيبة في مركزه، لكن إصابته كانت صعبة جدًا، أنا واحد اعتزلت بسبب الصليبي، فحاسس بيه ، إصابة أكيليس مع عامل السن وعدم المشاركة فترة طويلة صعبين، وقعدت معاه جلسة طويلة اتكلمنا فيها بصراحة، وقلت له: أنا خدمت النادي قبل منك والنادي وقف معايا زي ما وقف معاك، ودلوقتي بحاول أساعدك وانت لاعيب كبير.
خروجة معلول من الأهلى وهو واقف على رجليه أهم حاجة بالنسبة لي ، والناس لازم تعرف إن قرارات زي دي بتكون مدروسة من بدري، ولقطة مباراة البنك الأهلي ، كنت عايزه يلعب جناح عشان يلعب كروسات، لكن حسيت إنه مش جاهز بعد ما شرحت له المطلوب، ووقتها إمام عاشور كان بينفذ اللي في دماغي بالظبط، فقلت خلاص نكمل، وبعدها ربنا وفقنا وكسبنا، معلول مزعلش، واتكلمنا بعدها لأنه فهم الموقف، وأنا متأكد إن لو الأهلي كان عايز يجدد له كان كلمه من بدري.. لكن فى النهاية رحيله هو والسولية لم يكن مسؤليتى.
زيزو لو كان موجود في مباراة الزمالك كان هو المسدد الاول لضربة الجزاء.
