كتب كريم حسن
طالب الإعلامي أحمد شوبير عبر أون سبورت إف إم: لاعبي الأهلي بتقدير الوضع والإحساس بالمسؤولية تجاه النادي والجماهير وبذل الجهد وإستغلال الفرص تجاة المرمى وقال شوبير لو لعب حسين الشحات وهو في حالته بيكون خطير جدًا، ولو محمد شريف استعاد ذاكرة التهديف هيكون خطير جدًا برضه. قلتلك تريزيجيه، أشرف بن شرقي، بن رمضان ومروان أدوارهم دفاعية أكثر شوية، لكن مشكلة الأهلي في الدفاع، لأنك مش عارف تبدأ بمين وتوقف مين فين، ياسر جيد ومرعي جيد، لكن كوكا عمري ما هحسبه على الدفاع. في مشكلة صعبة جدًا، والأهلي كان لازم يبقي على يحيى عطية الله. قصدك معلول؟ لا، يحيى عطية الله. قصدك معلول؟ لا، يحيى عطية الله. معلول مصاب في تونس وبقاله فترة غايب، ومكنش هيبقى أساسي. إنت لسه بتقول العمر والسن وعبدالله السعيد؟ آه، معلش، كل حالة بحالتها. أنتم عارفين أنا من المتيمين بعلي معلول وبحبه جدًا، لكن مكنش هيبقى أساسي في الأهلي. إنما عطية الله استمراره كان مهم، أو حتى كريم الدبيس، اللي مصاب في سيراميكا. أنا بتكلم في الإطار العام، لكن الأساس كان استمرارية عطية الله بدل الدوامة دي.
