كتب كريم حسن
إنتقد إبراهيم المنيسي، رئيس تحرير مجلة الأهلي، اللاعب محمود حسن تريزيجيه على الأداء المتراجع وحمله مسؤولية تراجع أداء الفريق الأول لكرة القدم، عقب التعادل مع إنبي في الدوري المصري
وقال إبراهيم المنيسي رئيس تحرير مجلة الأهلي في تصريحات عبر قناة إم بي سي مصر2: تريزيجيه من وقت دوشة كأس العالم وهو لم يخرج منها، وأرى أنا ما يحدث ما زال توابع أمريكا، يعني إحنا لحد النهاردة بندفع ثمن إنه ضيع ضربة جزاء في كأس العالم بأمريكا، لأنه كل كورة عايز يثبت إنه لاعيب كبير
أضاف: هو لاعب كبير بس لازم يساعد زمايلة، أنا لو جبت تحليل لـ 3 فرص له، بتلاقيه بيلعب فردي وبيفكر في نفسه ودى بتبقي مشكله فى اللاعب لأنها بتعود عليه بنتيجة عكسية ودة إللى بيحصل مع تريزيجيه
وتابع: أنت لاعب كبير مش محتاج تثبت ده بس ساعد الفرقة، علشان تخرج من الحالة اللي أنت فيها وإنك بعيد شوية.
وأكمل: لما يبقى عندك فريق فيه نجوم كبيرة المفروض ده يبقى كويس، ولكن لم يتم إدارة ذلك بشكل خاطئ يبقي فيه مشكلة
وأضاف المنيسي اللاعيبة لازم تراجع نفسها من تاني، وكانوا الأول بيقولوا ريبيرو والاحمال وإنه بيشتغل غلط طب دلوقتي عماد النحاس أي بقى السبب في التراجع
وأختتم الأهلي نتائجه السلبية، بعد التعادل مع إنبي بهدف لكل فريق، ضمن منافسات الجولة السادسة من بطولة الدوري المصري.
