صورة غريبة في البرواز
كلمات الشاعر: رامز وليد
تعالوا نصلح أخطائنا
تعالو نجمل الصورة
وليه بنحط أشوقنا في صور
براويزها مكسورة
ضيعنا عمرنا استفزاز
وليه خلينا ملامحنا
بتشبه زمبلك هزاز
ولا بترسا في يوم على حال
ولا بتتغير الأحوال
نقول تاخد يومين ويتمر
واهو يوم حلو مع يوم مر
بقت أحلامنا مكسورة
بعدنا خلاص بأوصفنا
بقت أيامنا بتخفنا
ما بتتعرفشي عا الصورة
تاهت عنا ملامحنا..
ومش هي ملامحنا
زرعنا الخوف لبعضينا
يا زمني أنا اللي ليك ما حقوق
أنا ما فهمتكشي من الأول
بقيت عنك أنا اتحول
بروح السارق.. المسروق
يا قلبي اصحى يلا وفوق
بروحك انجا من البرواز
اخرج من روح الأشباح
تخدنا رياح تجبنا رياح
مسيرنا خلاص في يوم نرتاح
من الضعف اللي مالينا
تبان صورة بسطور واضحة
بصور تشبه معانينا
كلمة حب مش جارحة
ونظرة شوق بتحيينا
ساعتها زمنّا يعرفنا
ويتعرّف على أوصفنا
ويترد الأمل فينا
ساعتها انحني باعزاز
لأجمل صورة في البرواز
وترجع تاني أشكلنا الحقيقية
بشر ونعيش ونتمنا
تعود لنا الحياة جنة
وتحيا طبيعة الإنسان
