كتب كريم حسن
شوبير ينتقد الدوري المصري متنظم بالخطأ على طريقة حوريني ياتيتي غير مبشر بالخير
انتقد الإعلامي أحمد شوبير حارس مرمى الأهلي ومنتخب مصر السابق نظام الدوري المصري الممتاز في الموسم الجديد مؤكدا أنه لا ينبيء بأي خير في الفترة المقبلة.
وأوضح شوبير في تصريحات إذاعية اليوم الإثنين: أن دوري الـ 21 نادي ده ميلزمنيش وميعجبنيش، إمبارح عمال أتابع الدوري الإنجليزي والدوري الإسباني والدوري الإيطالي، بس عمري ما شوفت دوري فيه 19 نادي ولا 23 نادي ولا 21 نادي إلا عندنا».
وتابع شوبير: «طول ما إحنا شغالين كده مش هننجح، لإنه لازم في النهاية تحط إطار عشان تخرج منتج حلو فلازم حضرتك تحط نظام السيستم كله كده غلط، وكان قبل كده دوري 19 فريق، وكان الاتجاه في غرف كرة القدم المصرية إما الثبات على 18 ناديا أو 16، ولكن فجأة بقينا 21 نادي، والمفروض السنة اللي جاية نبقى 20 واللي بعدها 18 نادي، ياريت يقدروا بس أنا مش مبسوط عموما
وأختتم شوبير بدأنا الأسبوع الأول الحرس باي والثاني مش عارف مين باي والثالث الأهلي باي لغاية ما هنقول باي باي يا دوري مينفعش والله العظيم
