كتب: كريم حسن
انضم الحارس حمزة علاء لاعب النادي الأهلي السابق لصفوف فريق بورتيمونينسي البرتغالي، المشارك في دوري الدرجة الثانية بالبرتغال، في فترة الانتقالات الصيفية الجارية.
وأعلن نادي بورتيمونينسي البرتغالي الذي يلعب في الدرجة الثانية، تعاقده مع العديد من اللاعبين، بما فيهم النجم المصري حمزة علاء حارس مرمى النادي الأهلي السابق.
وكان قد ألمح حمزة علاء في وقت سابق إلى احترافه في الخارج، بعد الرحيل عن المارد الأحمر.
وقال علاء في منشور له عبر حسابه الرسمي على إنستجرام: أكيد الكلام جاي متأخر، وعشان كده حابب أعتذر.. من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم جوه النادي الأهلي، وقرار الرحيل كان صعب، بس كان لازم أفكر في مستقبلي، يمكن الفرصة مجتش زي ما كنت بتمنى، بس كل حاجة بتحصل بيبقى ربنا سبحانه وتعالى كاتبها، ورب الخير لا يأتي إلا بالخير.
وأضاف اللاعب منشوره السابق: لجمهور النادي الأهلي العظيم، محبتكم وتقديركم عمرهم ما كانوا مرتبطين بعدد الدقايق اللي لعبتها، دايمًا كنتوا سند في كل لحظة، في كل بطولة، حسيت معاكم إني أحسن حارس في العالم، وأنا بلعب في بطولة إفريقيا والأولمبياد، كل اللي بطلبه، إنكم تفضلوا فاكرين إني كنت واحد منكم، ابن من أبناء النادي الأهلي.
واختتم حمزة علاء بيانه: ولشعب الأهلي، هفضل دايمًا مشجع للكيان، من قلب التالتة شمال، ويارب أرفع راسكم، وأكون عند حسن ظنكم في خطوتي الجاية، وتكونوا دايمًا في ضهري وسند ليا زي ما طول عمركم عودتوني، أشوف وشكم على خير.. ابنكم حمزة علاء.
