حازم امام يشيد بنجاح بيراميدز فى فترة قصيرة إللى بيفهم كورة يقول بيراميدز ماشي كويس

كتب: كريم حسن
أشاد حازم إمام، نجم نادي الزمالك السابق، بمستوي بيراميدز الفترة الماضية
.وقال حازم إمام، في تصريحات عبر إذاعة أون سبورت اف ام في ظل التريقة على بيراميدز والاستهزاء بيه والتقليل منه هو دايمًا مكمل ومبيهمدش، هو ظل 4 سنوات لا يتوج ببطولة لحد ما توج ببطولة كأس مصر في الموسم الماضي»
وأضاف: الأربع سنين اللي فاتوا الناس كانت بتقلل من بيراميدز سواء كان إعلاميين أو محللين، بيقولوا معندوش أمل وعمره ما هياخد بطولة ورغم كده هما شغالين وبيشتروا لعيبة كويسة وتابع: بيراميدز استمر في مشروعه وتطوره حتى سيطر على المركز الثاني، بقاله 4 سنين ماشي بشكل قوي جدًا»
وأكمل: اللي بيعجبني في بيراميدز بناء الفريق، وجود الفلوس بيسهل المهمة ولكن إدارة اللعيبة دي صعب».
وأتم: أي حد بيفهم في الكورة هيقول بيراميدز ماشي بشكل كويس جدًا وأكتر حاجة بتعجبني في بيراميدز اللاعبين الأجانب، بيجيبوا لعيبة مميزة وكلهم بيلعبوا أساسيين