الرئيس السيسي للضباط الخريجين: إحنا مسؤولين أمام ربنا عن المجندين نخلي بالنا منهم ونحافظ عليهم
كتب: شادى سعد
الرئيس السيسي للضباط الخريجين: إحنا مسؤولين أمام ربنا عن المجندين نخلي بالنا منهم ونحافظ عليهم
طالب الرئيس عبد الفتاح السيسي، خريجي الكليات العسكرية، بالاعتناء بأنفسهم وبمن يحملوا مسؤوليتهم أثناء أداء الخدمة العسكرية، متابعا: «بييجي معاك ابننا وابن من أبناء مصر يقعد في الجيش سنة واتنين وتلاتة، وبالتالي إحنا مسؤولين أمام ربنا سبحانه وتعالى نجهزهم ونخلي بالنا منهم ونحفظهم ونعدهم الإعداد الجيد للمهمة اللي مقبلين عليهم، دي مهمة خطيرة جدا إنك تبقى مسؤول عن إعداد إنسان، لو ما انتبهتش حياته تبقى في خطر، دي مهمة كبيرة».
وأضاف الرئيس خلال حفل حضوره حفل تخريج دفعات جديدة من طلاب الكليات العسكرية: «عشان تقدر توعي غيرك لازم تكون واعي أوي، ومطلوب تكون منتبه للأحداث المحيطة بيك عشان تبقى فاهم كويس، ده مهم دلوقتي علشان الحروب الجديدة، الجيل الرابع والخامس التعامل بقى بسلاح تاني، وهو الفهم والوعي الحقيقي، بعيدا عن الجهل والتجهل والوعي الزائف».
