شوبير يكشف حقيقة ضم الأهلي لـ الشيبي وإبراهيم عادل على سبيل الإعارة من من بيراميدز
كتب: كريم حسن
كشف الإعلامي أحمد شوبير حارس مرمى الأهلي ومنتخب مصر السابق حقيقة ما يتردد الساعات الماضية بشان دخول الأهلي في مفاوضات مع الثنائي إبراهيم عادل والمغربي محمد الشيبي لاعبي فريق بيراميدز.
وقال أحمد شوبير في تصريحات إذاعية: «مفيش أي تفاوض بين الأهلي ونادي بيراميدز حول محمد الشيبي وإبراهيم عادل، طيب ما احنا جايبين تريزيجيه وجايبين بن شرقي في الأجنحة، وعندك ناحية اليمين حسين الشحات وطاهر محمد طاهر وعمر كمال عبدالواحد.
وأوضح شوبير: «هو فيه أيه يا جماعة هو هات وكربس وخلاص وأعمل لنفسك أزمة هعتبر إن إبراهيم عادل جه لغاية عندك وقالوا لك خد إبراهيم عادي معاك في كأس العالم للأندية طيب النجوم اللي موجودة عندك اللي مكربسة دي تعمل بيهم أيه، يا عم أنا كلت وشربت وحليت وشربت الشاي أرجع أخد من تاني وجبة جديدة وأكل جديد طب إزاي.
وأضاف شوبير: وعندك في الناحية اليمين محمد هاني وعمر كمال والشيبي من أحسن الصفقات في تاريخ مصر وسبب رئيسي في وصولهم للمباراة النهائية، لكن أنت أصلا عندك لاعيبة
