محمد الشناوي مباراة الغد صعبة واحنا محضرين بشكل كويس وأن شاء الله نسعد جمهور الاهلي بالفوز
كتب: كريم حسن
قال حارس مرمى الأهلي ومنتخب مصر أن مباراة الغد أمام الهلال السوداني صعبة
احنا عارفين ان مباراة بكرة هتكون صعبة ومهم فيها التركيز واحنا محضرين ماتشيين من البداية، الماتش الاول كسبنا واحد صفر ولسة عندنا شوط تاني هنا قصاد فرقة قوية لكن احنا مستعدين ومحضرين بشكل كويس وان شاء الله نرجع فرحانين ونسعد الجمهور ونصعد للدور اللي بعده
الهلال كان ماشي بشكل كويس في المجموعات وعاملين فرقة كويسة السنادي وأكيد واخدين على الملعب لانهم بيلعبوا هنا بقالهم فترة لكن احنا كنادي أهلي عندنا خبرات بشكل كافي اننا نتخطى الدور ده وأهم حاجة بالنسبالنا اننا نرجع كسبانين
بالنسبالنا أي مباراة بناخدها بتركيز كبير جدا واحنا كفريق المباراة دي مهمة جدا اكنها نهائي بالظبط، وانا مختلف مع سؤالك ان المستوى مكانش جيد الماتش اللي فات احنا كنا مستحوذين على المباراة بالكامل وضيعنا أكتر من فرصة وان شاء الله ماتش بكرة نبقى في كامل التركيز ونرجع كسبانين باذن الله
