كتب: أحمد شعبان
الفلفل الأخضر نوع من أنواع الخضروات ولكن يتجاهل الكثيرة من الناس القيمة الغذائية لهذا النوع من الخضروات الفلفل الأخضر يحتوي على أهم فيتامين يحتاج اليه الإنسان في الحياة اليومية خصوصآ اثناء تناولة أخضر بدون قلي أو طهي نهائيآ
أهم فايدة و أعظم مواد الفلفل الفعالة هوه فيتامين سى ال ١٠٠ جرام فلفل فيه ١٢٧ مليجرام من فيتامين سى .
طيب ماهى أدوار فيتامين سى فى الجسم :-
١- أهم دور فايدته العظيمة فى تنشيط إنتاج كرات الدم البيضاء عندك ضعف مناعة عندك برد عندك إصابة فيروسية من أى نوع عليك وعلى الفلفل .
٢- بيحفظ الأنسجة من التلف تلف الأنسجة ده بيحصل يوميا بسبب التلوث التدخين أمراض الأيض زى السكر و إرتفاع دهنيات الدم و النقرس فيتامين سى ليه دور عظيم فى الحفاظ على أنسجتك وحمايتها حتى لو تلاحظ إن شركات العصائر دائما بيحطو فيتامين سى الصناعى كمادة حافظة ولكن شتان الفارق بين الطبيعى و الصناعى الطبيعى فعال و أمن على الجسم وغير مرهق للكلى زى الصناعى الصناعى مسبب لحصوة الكلى .
٣- عندك تجاعيد سيرم فيتامين سى فعال فى علاج التجاعيد عالجى بقا النسيج من جوه بتناولك الفلفل يوميا هيبنيلك الكولاجين الطبيعى لمرونة جلدك ولصحة مفاصلك وعلاج فعال لإلتهاب المفاصل وبنائها وصيانتها .
٤- أما الأنيميا فحدث ولا حرج فالحديد النباتى زى الموجود فى السبانخ بيحتاج فيتامين سى للإمتصاص والتمثيل وبالمناسبة الحديد مش بيبنى الهيموجلوبين بس بيبنى كمان الكتاليز اللى بيمنع الشعر الأبيض فالشعر الأبيض من علامات الضعف ونقص الحديد .
٥- أما ضعف العيون فالفلفل الدواء المطلوب محتواه من فيتامين سى و فيتامين ألف ممتاز بيدعم العين جدا من أول العتامة للضعف والإجهاد بسبب الموبيلات وكمان الميه البيضا لو عندك تعب بعينك جرب تأكل فلفل كل يوم وتابع النتايج بعد شهر رائع .
٦- عندك جفاف بالجلد عندك تقصف بشعرك فيتام سى
وعند تناول مع شوية تمر هيحبس الرطوبة فى الجلد ومتنساش القرفة من النباتات الجميلة فى منع التبول الزائد عن اللزوم .
٧- وضعف اللثة بأعراضها بقا الفلفل رهيب زى تراجعها وظهور الجذور بتاعت الاسنان وريحة النفس الكريهة ونزيفها واحمرارها وتغير لونها من الوردى للأحمر الغامق ولو ضغط عليها توجعك وضعف اللثة عرض معناه ضعف الشرايين برضه فخلى بالك سنانك مراية لقلبك وشرايينك .
ممتاز دى فوايد الفلفل
ومن أهم الأشياء التى يجب التركيز عليها ان
يكون أخضر ؟
المشكلة فى فيتامين سى فى الغلى بيروح وفى القلى بيروح والتجفيف بيروح حساس جدا جدا موجود فقط فى النبات الأخضر صحيح الفلفل مش أعلى نسب فيتامين سى
النسبة الأكبر فى الجوافه ولكن غير متواجدة طول العام إذا لابديل الى الفلفل الأخضر
